زي الهوا

لاء .. موش اغنية حليم
مع ان حكايتنا كان فيها كتير من الاغنية دي
الهوا كان عامل رئيسي فيها .. كان بطلها .. و راويها
شوية هوا جمعونا .. و برضو هما اللي فرقونا
موش عارفة ليه افتكرتك النهاردة بالذات .. يمكن علشان اصلا موش نسياك ؟؟
برضو الهوا هو اللي فكرني بيك .. و بلمسة ايديك
كان رقيق اوي زيك .. لمسته على خدودي فكرتني برقة لمستك
افتكرت لما كنت تتأخر عليا .. و اقعد لوحدي في البلكونة مستنياك و دموعي تخوني و تنزل غصبن عني .. فجأة احس بنسمة هوا رقيقة لمست خدي و كأنها ايديك بتمسح دموعي .. كأن الهوا بيطمني عليك و بيقولي انك بخير .. و انك هتيجي .. بس من اخر مرة بكيت فيها و ملقتش الهوا .. عرفت ان في حاجات كتير اتغيرت .. زي ما كان الهوا سبب بيجمعنا و بيطمنا على بعض .. سبناه يقوى و يدخل يطير كل الورق .. اللي كتبنا فيه قصة حبنا .. و كاننا نسينا انو سبب للحياة و خليناه بادينا .. سبب للموت ..
بس هو جاني النهاردة .. و فكرني بيك .. كنت حساك معايا اوي .. و كأنك جمبي وواخدني في حضنك زي عادتك .. بكاني .. لاول مرة بيبكيني موش بيمسح دموعي ..
بسببك اول مرة في حياتي .. احس بمعنى تاني للهوا ..
كنت انت المعنى دا .. انت بالنسبة لي الهوا اللي بتنفسه
انت الحياة .. و مفيش بعدك حياة ..
ياترى انت حاسس .. فاكر .. ولا نسيت ؟؟؟


زي الهوا يا حبيبي .. زي الهوا
و اه من الهوا يا حبيبي .. اه من الهوا

عرض الصيف

حبيبي الغالي..
اقدم لك اليوم عرضاً رائع .. عرضاً مغريا لايمكن مقاومته ..
عرضاً حصري .. لاول مرة ولا يوجد عند من سواي ..
اقدم لك قلبي و حياتي .. عمري الماضي و الاتي ..

ابدأ عرضي بقلبي .. هو باللون الابيض ..
وعند استلامك له يمكنك اختيار اي لون تحبه لتصبغه به ..
وان سألتني رأيي .. فانا افضل اللون الازرق كلون عينيك .. فهو لائق بك اكثر ..
و عزيزي اطمئن .. فهو صغير الحجم لن يأخد حيذاً كبيراً من حياتك ..
مع اني تمنيت ان يكون اكبر حتي يتسع كل البشر .. و يشاركم فرحة حبه لك ..
و لكني اكيدة انه سيكبر معك .. فقط ارعاه جيد .. و اجعله يغفو بين ذراعيك ..

اما عن حياتي فهي حقاً رائعة .. ( فقط لوجودك انت بها ) ..
متعددة الالوان .. زاهية .. (منذ دخولك اياها ) ..
لم تستهلك اطلاقاً .. وكأني كنت بانتظارك حتى اعرف معناها .. و احياها كما انت و انا نريد ..
بها بشر كُثر .. و لكنها على استعداد لافراغ نفسها بنفسها في حال اردت انت ذلك ..
لتملئها انت وحدك بكل ما تريد و تحب ..

بالنسبة لعمري ..
فاللحق .. انا لا اذكر ما مضى منه ..
لكن لك ان تعتبره لم يحدث .. عامله و كأنه طفل صغير .. وُلِد على يديك ..
و اَتيه و مستقبله و حياته .. ملك لك وحدك ..
اترك عمري بين يديك .. لتسطره كما تريد و ترى الخير له ..
فقط امنه جيداً .. من غدر الزمان و لحظات الوحدة و القسوة التي لا اتمنى ان يراها منك ..

اما عن السعر .. فلا تقلق فهو في متناول يدك ..
فقط الوفاء .. و الاخلاص .. و الامان ..

حبيبي .. كان ذلك عرضي لهذا الصيف ..
ربما هو العرض الاول و الاخير ..
انصحك اللحاق بالعرض .. فالكمية محدودة ..

مع تحيات قناة قلبي للبث المباشر .. و برنامج حبي الدائم لك

بحسدهم عليك

بحسد كل حاجة فيك اقرب مني ليك ..

بحسد عينيك .. ورموشها اللي حضناها ..

بحسد ايديك .. والرقة اللي سكناها ..

بحسد قلبك .. اللي اقرب لحضنك مني ..

بحسد صوتك .. اللي اقرب لشفايفك مني ..

بحسد حتى الارض .. لما تاخدك بعيد عني ..

بحسد كل حاجة عنيك شافتها ..

بحسد كل كلمة بصوتك قريتها ..

بحسد حتى نور عنيك .. اللي اقرب مني ليك ..

بحسد فنجان الشاي و هو في حضن ايدك ..

و مسكتك للقلم اللي بتكتب بيه شعرك ..

بحسد حتى لبسك .. لانو اقرب مني ليك ..

كان نفسي اكون حاجة فيك ..

حرف في اسمك .. صورة في محفظتك ..

لو حتى دقة في قلبك زارته مرة و ماتت ..

او نسمة هوا مرت في يوم على خدك ..

او ورقة لمستها مرة ايديك و نسيتها في جيبك ..

علشان افضل قريبة منك ..بشوف اللي بتشوفو و بسمع اللي بتسمعو ..

و بحس بكل حاجة فيك ..

حتى لو المسافة قربت .. او الظروف اتغيرت ..

هفضل احسدهم عليك .. علشان اقرب مني ليك ..